வருமான வரிக்கு பதிவுசெய்த நபர்கள் 2025/2026 மதிப்பீட்டு ஆண்டிற்கான வருமான வரி அறிக்கைகளை நவம்பர் 30 ஆம் திகதிக்கு முன்னர் சமர்ப்பிக்க வேண்டும் என உள்நாட்டு இறைவரித் திணைக்களம் தெரிவித்துள்ளது.
ஒரு அறிவித்தலை வெளியிட்டு அத்திணைக்களம் சுட்டிக்காட்டியுள்ளதாவது, குறித்த காலக்கெடுவுக்கு முன்னர் வருமான வரி அறிக்கைகளை சமர்ப்பிப்பதன் மூலம் ஏற்படும் அசௌகரியங்களைத் தவிர்த்துக்கொள்ள முடியும் என்பதாகும்.
2025/2026 மதிப்பீட்டு ஆண்டிற்கான உங்களது வருமான வரி அறிக்கைகளை ஆன்லைன் (Online) முறைமையினூடாக சமர்ப்பிக்க முடியும்.
வருமான வரி அறிக்கைகளை சமர்ப்பிப்பது தொடர்பில் மேலதிக தகவல்கள் அல்லது தெளிவுபடுத்தல்கள் தேவைப்படின் 1944 என்ற அவசர அழைப்பு இலக்கத்தின் ஊடாக தகவல்களைப் பெற்றுக்கொள்ள முடியும் என உள்நாட்டு இறைவரித் திணைக்களம் குறிப்பிட்டுள்ளது.
திணைக்களத்தின் உத்தியோகபூர்வ இணையத்தளமான WWW.IRD.GOV.LK மூலமும் இது தொடர்பான மேலதிக தகவல்களைப் பெற்றுக்கொள்ள முடியும் எனத் தெரிவிக்கப்பட்டுள்ளது.
