22 வயதுடைய நபர் ஒருவர் பண்டாரகம - மஸ்வில பகுதியில் காவல்துறையினர் மேற்கொண்ட திடீர் சோதனை நடவடிக்கையின் போது, சுமார் 18.672 கிலோகிராம் ஐஸ் போதைப்பொருளுடன் கைது செய்யப்பட்டுள்ளதாகக் காவல்துறை தெரிவித்துள்ளது.
காவல்துறையினருக்குக் கிடைத்த இரகசியத் தகவலின் அடிப்படையில், சிறப்பு அதிரடிப்படை அதிகாரிகள் மஸ்வில, வென்கெசியவத்தை பகுதியில் இந்தச் சோதனையை மேற்கொண்டனர்.
பண்டாரகம பகுதியைச் சேர்ந்த குறித்த சந்தேக நபர், போதைப்பொருளுடன் கைதானதை அடுத்து மேலதிக விசாரணைகளுக்காகக் காவல்துறை போதைப்பொருள் தடுப்புப் பிரிவினரிடம் ஒப்படைக்கப்பட்டார்.
இதுகுறித்து போதைப்பொருள் தடுப்புப் பிரிவினர் மேலதிக விசாரணைகளை மேற்கொண்டு வருவதாகக் காவல்துறை மேலும் தெரிவித்துள்ளது.
