வளிமண்டலவியல் திணைக்களத்தின் அவசர எச்சரிக்கை!

நெருங்கி வரும் தென்மேல் பருவக்காற்று நிலைமை காரணமாக, இலங்கையின் பல பகுதிகளில் பலத்த காற்று வீசக்கூடும் என எச்சரிக்கப்பட்டுள்ளது.

வளிமண்டலவியல் திணைக்களம் வெளியிட்டுள்ள அறிக்கையில் இந்த விடயம் தெரிவிக்கப்பட்டுள்ளது.

இதன்படி நாட்டின் பல பாகங்களில் மணித்தியாலத்திற்கு 40 முதல் 50 கிலோமீட்டர் வேகத்தில், அவ்வப்போது பலத்த காற்று வீசக்கூடும் என எதிர்பார்க்கப்படுகிறது.

இதற்கமைய மத்திய, வடக்கு மற்றும் வடமத்திய மாகாணங்களிலும் இரத்தினபுரி, ஹம்பாந்தோட்டை மற்றும் திருகோணமலை மாவட்டங்களிலும் இந்தத் தீவிர காற்று வீசுவதற்கான சாத்தியக்கூறுகள் அதிகம் காணப்படுகின்றன.

எனவே, பொதுமக்களும், குறிப்பாகக் கடற்படை மற்றும் மீனவ சமூகத்தினரும் இவ்விடயம் குறித்துப் போதிய அவதானத்துடன் இருக்குமாறு வலியுறுத்தப்பட்டுள்ளது.

வானிலை மாற்றங்கள் மற்றும் மேலதிக தகவல்களுக்கு வளிமண்டலவியல் திணைக்களத்தின் அதிகாரப்பூர்வ அறிவிப்புகளைத் தொடர்ந்து அவதானியுங்கள்.