இந்த வருடத்தின் இதுவரையான காலப்பகுதியில் 891 சட்டவிரோத துப்பாக்கிகள் பொலிஸாரால் கைப்பற்றப்பட்டுள்ளதாக அமைச்சரவை பேச்சாளர் அமைச்சர் கலாநிதி நளிந்த ஜயதிஸ்ஸ தெரிவித்துள்ளார்.
அமைச்சரவை தீர்மானங்களை அறிவிக்கும் ஊடகவியலாளர் சந்திப்பில் கருத்துத் தெரிவிக்கும்போதே, அமைச்சர் இதனைக் குறிப்பிட்டார்.அங்கு மேலும் கருத்துத் தெரிவித்த அமைச்சர், இந்த ஆண்டின் ஜனவரி 01 ஆம் திகதி முதல் செப்டம்பர் 17 ஆம் திகதி வரை 14 (T-56) ரக துப்பாக்கிகள், 33 கைத்துப்பாக்கிகள் மற்றும் 25 ரிவோல்வர் ரக துப்பாக்கிகள் உட்பட மொத்தம் 891 துப்பாக்கிகள் பொலிஸ் அதிகாரிகளால் பொறுப்பேற்கப்பட்டுள்ளதாகக் கூறினார்.
அத்துடன், கடந்த ஆண்டில் முன்னெடுக்கப்பட்ட சோதனைகளின் மூலம் 74 டி-56 ரக துப்பாக்கிகள் உட்பட மொத்தம் 2,404 துப்பாக்கிகள் அதிகாரிகளால் கைப்பற்றப்பட்டதாகவும் அமைச்சர் இங்கு சுட்டிக்காட்டினார்.
