நவம்பர் 2019 முதல் ஜூலை 2024 வரையிலான காலப்பகுதியில், அனுமதிசீட்டு முறைகேடுகள் காரணமாக வீதி அபிவிருத்தி அதிகாரசபை அதிவேக நெடுஞ்சாலைகளில் 4.614 பில்லியன் ரூபாய்க்கும் அதிகமான வருவாயை இழந்துள்ளதாக கணக்காய்வு அறிக்கை ஒன்று வெளிப்படுத்தியுள்ளது.
இக்காலப்பகுதியில் 133.8 மில்லியனுக்கும் அதிகமான நுழைவுச் சீட்டுகள் வழங்கப்பட்ட போதிலும், 18.2 மில்லியனுக்கும் அதிகமான வாகனங்களுக்கு வெளியேறும் சீட்டுகள் வழங்கப்படவில்லை.
இதன் காரணமாக நாளொன்றுக்கு சராசரியாக சுமார் 1 மில்லியன் ரூபாய் வருவாய் இழப்பு ஏற்பட்டுள்ளது.
241,964 சீட்டுகள் வாகனங்களின் வகைப்பாட்டை மாற்றி வழங்கப்பட்டுள்ளதாகவும் கணக்காய்வில் கண்டறியப்பட்டுள்ளது.
கடன் மற்றும் திருப்பிச் செலுத்தும் காலம்: அதிவேக நெடுஞ்சாலைகளுக்காக உள்நாட்டு மற்றும் வெளிநாட்டு கடன்களாக 611.374 பில்லியன் ரூபாய் பெறப்பட்டுள்ளது.
இருப்பினும், அவற்றின் சராசரி ஆண்டின் நிகர லாபம் 3.56 பில்லியன் ரூபாயாகவே உள்ளது.
171 வருடங்களுக்கும் மேல் ஆகும்: இந்த வருமானத்தின் அடிப்படையில் கணக்கிட்டால், வட்டி இல்லாமல் பெறப்பட்ட அசல் கடனை மட்டும் திருப்பிச் செலுத்துவதற்கே 171 வருடங்களுக்கும் மேலாகும் என கணக்காய்வு அறிக்கை சுட்டிக்காட்டியுள்ளது.
