அனிதா குமாரி (57), கடந்த ஒரு மாதத்திற்கு முன்பு தனது கணவரை உடல்நலக்குறைவால் இழந்திருந்தார்.
கணவர் இறந்ததையடுத்து மகள் அஞ்சனா (27) உடல்நிலை மோசமடைந்து படுக்கையிலேயே இருந்தார். முதுகுத் தண்டுவட நோயால் அஞ்சனா நடமாட முடியாத நிலையில் இருந்ததாக போலீசார் தெரிவித்துள்ளனர்.
குடும்பத்தின் அனைத்து பொறுப்புகளும் திடீரென அனிதா குமாரியிடம் திரண்டிருந்த நிலையில், நாள் முழுவதும் மகளை கவனிப்பது அவரது வாழ்க்கையின் அத்தியாவசியமான கடமையாக மாறியிருந்தது.
நேற்று, வழக்கம்போல் அனிதா குமாரியின் மகன் வேலைக்குச் சென்றபோது, வீட்டில் தாய்–மகள் மட்டும் இருந்தனர்.
மகளின் நிலைவும் தனது வாழ்க்கையில் ஏற்பட்ட திடீர் மாற்றங்களும் காரணமாக மன அமைதி குலைந்த அனிதா குமாரி, தீவிர மனச் சோர்வுக்கு ஆளாகியிருந்தார் என விசாரணையில் தென்பட்டுள்ளது.
மன அழுத்தத்தினால் தவறான முடிவெடுத்த அவர், மகள் அஞ்சனாவை தண்ணீர் தொட்டிக்குள் தள்ளி மூச்சுத் திணறடித்து கொலை செய்தார்.
பின்னர், அதே வீட்டின் அருகில் உள்ள மரத்தில் தூக்கிட்டு தற்கொலை செய்து கொண்டார். தகவல் கிடைத்ததும் எடப்பால் போலீசார் சம்பவ இடத்துக்கு சென்று இருவரின் உடல்களையும் மீட்டு,
பிரேத பரிசோதனைக்காக மலப்புரம் அரசு மருத்துவக் கல்லூரி மருத்துவமனைக்கு அனுப்பி வைத்தனர். பரிசோதனைக்குப் பிறகு உடல்கள் உறவினர்களிடம் ஒப்படைக்கப்பட்டன.
ஆரம்ப விசாரணையில், நோயால் அவதிப்பட்டிருந்த மகளை காப்பாற்ற முடியாத மன வேதனையில் தாய் இந்த கொடூர முடிவை எடுத்ததாக போலீசார் தெரிவித்துள்ளனர். இந்த சம்பவம் அப்பகுதியில் பெரும் துயரத்தையும் அதிர்வையும் ஏற்படுத்தியுள்ளது.