ஜோதிட சாஸ்திரத்தில் அனைத்து கிரகங்களும் தொடர்ந்து தங்களின் ராசி மற்றும் நட்சத்திரத்தை குறிப்பிட்ட காலத்திற்கு பிறகு மாற்றிக்கொண்டே இருக்கின்றன. ஒரு கிரகம் மற்றொரு கிரகத்தால் ஆளப்படும் நட்சத்திரத்திற்கு நகரும் போது அதனால் ஏற்படும் தாக்கங்கள் அனைத்து ராசிகளின் வாழ்க்கையிலும் பிரதிபலிக்கும். சில சமயங்களில் அது நேர்மறையான மாற்றங்களாகவும், சில சமயங்களில் எதிர்மறையான மாற்றங்களாகவும் இருக்கும்.
ஜோதிடத்தில் புதன் புத்திசாலித்தனம், தொடர்பு மற்றும் வணிகத்தை ஆளுகிறது. அதன் பெயர்ச்சி ஒருவரின் சிந்தனை மற்றும் நிதிநிலையில் நேரடியான மாற்றத்தை ஏற்படுத்துகிறது. நவம்பர் 20 ஆம் தேதி வரை புதன் சனி பகவான் ஆளும் அனுஷ நட்சத்திரத்தில் வசிக்கிறார், இது சில ராசிக்காரர்களின் அதிர்ஷ்டக்கதவை திறக்கப்போகிறது. இந்த புதன்-சனி சேர்க்கையால் சில ராசிக்காரர்கள் நேர்மறையான மாற்றங்களை அனுபவிக்கப் போகிறார்கள். அவர்கள் எந்தெந்த ராசிக்காரர்கள் என்று இந்த பதிவில் தெரிந்து கொள்ளலாம்.
மிதுனம்
புதனின் இந்த நட்சத்திர மாற்றம் மிதுன ராசிக்காரர்களுக்கு முன்னேற்றத்தையும், வெற்றியையும் தரப்போகிறது. புதன்-சனிபகவான் இணைப்பு அவர்களின் நிதி நிலையில் நேர்மறையான மாற்றங்களை ஏற்படுத்தும். இந்த காலகட்டத்தில் புதிய வணிக கூட்டணிகளை உருவாக்கலாம் மற்றும் சமூக நடவடிக்கைகளில் பங்கேற்கும் வாய்ப்புகள் உள்ளன. இந்த காலகட்டத்தில் சமூகத்தில் அவர்களின் நற்பெயரும், மரியாதையும் அதிகரிக்கும்.
கன்னி
கன்னி ராசியின் ஆளும் கிரகமாக புதன் இருக்கிறார், எனவே அனுஷ நட்சத்திரத்தில் புதனின் பெயர்ச்சி அவர்களுக்கு அற்புதமான காலகட்டத்தை அளிக்கப்போகிறது. அவர்களின் அனைத்து முயற்சிகளும் இப்பொது வெற்றியைக் கொடுக்கும். எனவே இந்த நேரத்தில் அவர்களின் வாழ்க்கைத்தரமும், மகிழ்ச்சியும் அதிகரிக்கும். பணியிடத்தில் புதிய பொறுப்புகள் கிடைக்கும் மற்றும் அவர்களின் திறமையை நிரூபிக்க வாய்ப்புகள் தேடிவரும். சமூகத்தில் அவர்களின் நற்பெயரும், மரியாதையும் அதிகரிக்கும்.
இந்த நேரத்தில் அவர்கள் புதிய வாகனம் அல்லது சொத்து வாங்குவது பற்றி சிந்திக்கலாம். மேலும் அவர்களின் குடும்பத்தினருடனான உறவு வலுவடையும். திருமண வாழ்க்கையில், அமைதியும் மகிழ்ச்சியும் நிறைந்திருக்கும். கடந்த காலத்தில் நிலவி வந்த பிரச்சினைகள் இப்போது முடிவுக்கு வரும்.
மகரம்
மகர ராசிக்காரர்களுக்கு, புதன் அனுஷ நட்சத்திரத்தில் சஞ்சரிப்பது நிதி ஸ்திரத்தன்மையையும், நம்பிக்கையையும் அதிகரிக்கும். இதனால் அவர்கள் தங்கள் வணிகத்திலும், வேலையிலும் முன்னேற்றத்தை அடைய முடியும். மேலும், வணிகர்கள் ஒரு பெரிய திட்டம் அல்லது வாடிக்கையாளரால் பயனடைய முடியும். கலைஞர்கள் மற்றும் படைப்புத் துறைகளில் ஈடுபட்டுள்ள நபர்களுக்கு இந்த காலம் மிகவும் சாதகமான மாற்றங்களை அளிக்கும்.
வேலையில் இருப்பவர்கள் இந்த காலகட்டத்தில் பதவி உயர்வுகளைப் பெறலாம் மற்றும் பணியிடத்தில் புதிய பொறுப்புகளை பெறலாம். அவர்களின் திட்டங்கள் அனைத்தும் வெற்றிகரமாக முடிவடையும், அவர்களின் அனைத்து விருப்பங்களும் நிறைவேறும். திருமண வாழ்க்கையில், அமைதியும், மகிழ்ச்சியும் நிலவும். அவர்களின் ஆரோக்கியம் அனைத்து முயற்சிகளுக்கும் உறுதுணையாக இருக்கும்.