பலத்த சேதத் ...துடன் கந்தளாய் பாலத்தில் குடை..சாய்ந்த டிப்பர் மீட்பு!

 

கந்தளாய் சூரியபுர பிரதேசத்தில் உள்ள சமகிபுர பகுதியில் நேற்று (07) மாலை, மணல் ஏற்றிச் சென்ற டிப்பர் லொறி ஒன்று பாலம் இடிந்து விழுந்ததால் குடைசாய்ந்தது.

இந்த விபத்தில் எந்த உயிர்ச்சேதமும் ஏற்படவில்லை எனினும் டிப்பர் லொறிக்கு பலத்த சேதம் ஏற்பட்டுள்ளது.

இந்த டிப்பர் லொறி சூரியபுரயில் உள்ள ஒரு தனியார் நிறுவனத்திற்கு சொந்தமானது என்றும், நிறுவனத்திற்காக மணல் ஏற்றிச் சென்றுகொண்டிருந்த போது இந்தச் சம்பவம் நடந்ததாகவும் பொலிஸார் தெரிவிக்கின்றனர்

வாய்க்காலைக் கடக்க முற்பட்டபோது, பழைய பாலம் எடையைத் தாங்க முடியாமல் இடிந்து விழுந்ததால் டிப்பர் லொறி நிலைதடுமாறி குடைசாய்ந்துள்ளது.

இந்தச் சம்பவம் குறித்து சூரியபுர பொலிஸார் மேலதிக விசாரணைகளை மேற்கொண்டு வருகின்றனர்.

நொடியில் நேர்ந்த கொடூரம்.. சிதறி கிடக்கும் பிஞ்சு உடல்கள்.. பள்ளி வேன் மீது ரயில் மோதல்..

கடலூர் மாவட்டம் செம்மங்குப்பம் பகுதியில் இன்று காலை (ஜூலை 8, 2025) ஏற்பட்ட பயங்கர விபத்தில், ஆச்சாரியா தனியார் பள்ளியின் வேன் மீது எக்ஸ்பிரஸ் ரயில் மோதியதில் 3 மாணவர்கள் உடல் சிதறி உயிரிழந்தனர். 

இந்த கோர சம்பவம் உள்ளூர் மக்கள் மற்றும் மாணவர்களின் பெற்றோரிடையே பெரும் அதிர்ச்சியையும் சோகத்தையும் ஏற்படுத்தியுள்ளது. 

விபத்து நடந்த இடம், செம்மங்குப்பத்தில் உள்ள ரயில்வே லெவல் கிராசிங். 

பள்ளி வேன், ரயில்வே கேட்டை கடக்க முயன்றபோது, காரைக்காலில் இருந்து வந்த எக்ஸ்பிரஸ் ரயில் அதிவேகமாக மோதியதாக கூறப்படுகிறது. 

இதில், வேன் பல மீட்டர் தூரத்திற்கு இழுத்துச் செல்லப்பட்டு முற்றிலும் நொறுங்கியது. வேனில் பயணித்த 10-க்கும் மேற்பட்ட மாணவர்கள் பலத்த காயமடைந்தனர். காயமடைந்தவர்கள் உடனடியாக கடலூர் அரசு மருத்துவமனையில் அனுமதிக்கப்பட்டு, அவர்களுக்கு தீவிர சிகிச்சை அளிக்கப்பட்டு வருகிறதுஇந்த விபத்திற்கு முக்கிய காரணமாக, ரயில்வே கேட் மூடப்படாமல் இருந்தது குறிப்பிடப்படுகிறது. ரயில்வே கேட் கீப்பர் கேட்டை மூடவில்லை என்ற குற்றச்சாட்டு எழுந்துள்ளது. இதனால் ஆத்திரமடைந்த உள்ளூர் மக்கள், கேட் கீப்பர் மீது தாக்குதல் நடத்தியதாகவும் தகவல்கள் வெளியாகியுள்ளன. மேலும், விபத்தின்போது அருகில் இருந்த மின் கம்பி அறுந்து விழுந்ததில், அண்ணாதுரை என்ற நபர் உயிரிழந்ததாகவும் கூறப்படுகிறது. 

விபத்து குறித்து கடலூர் காவல்துறையினர் வழக்கு பதிவு செய்து, விசாரணையை தொடங்கியுள்ளனர். 

இந்த சம்பவம், பள்ளி வாகனங்களின் பாதுகாப்பு மற்றும் ரயில்வே கேட் நிர்வாகத்தில் உள்ள குறைபாடுகளை மீண்டும் வெளிச்சத்திற்கு கொண்டு வந்துள்சமூக ஊடகங்களில் இந்த விபத்து குறித்து பரவலான விவாதங்கள் நடைபெற்று வருகின்றன, மேலும் பலர் இதற்கு நீதி கோரி குரல் எழுப்பி வருகின்றனர்.