கரைவலை உழவு இயந்திரங்களை பறிமுதல் செய்த கடற்படை-காரணம் என்ன?

 2025 ஆம் ஆண்டு ஜனவரி மாதம் 20 ஆம் திகதி இருண்ட வேளையில் கல்பிட்டி, உச்சமுனை கீரமுண்டலம கடற்கரை மற்றும் கடற்பரப்புகளில் இலங்கை கடற்படையினர் நடத்திய தேடுதல் நடவடிக்கையில் 1289 கிலோகிராம் (ஈரமான எடை) கொண்ட கடத்தப்பட்ட பீடி இலைகள் கைப்பற்றப்பட்டன.

 இந்த நடவடிக்கையின் போது, ​​02 சந்தேக நபர்கள் மற்றும் ஒரு டிங்கி படகு,  மற்றும் 02 உழவு இயந்திரங்கள் ஆகியவற்றை கடற்படையினர் கைது செய்தனர்.

இலங்கை கடற்படையானது தீவின் கரையோரப் பகுதிகளில் வழமையான தேடுதல் நடவடிக்கைகளையும் ரோந்துப் பணிகளையும் மேற்கொள்வதுடன், தீவிற்குள் பலவிதமான சட்டவிரோதப் பொருட்கள் ஊடுருவுவதைத் தடுக்கும் நோக்குடன் கண்காணிப்பை மேற்கொண்டு வருகின்றனர்

இந்த முயற்சிகளின் நீட்சியாக, வடமேற்கு கடற்படைக் கட்டளையில் SLNS விஜயாவிற்குச் சொந்தமான உச்சமுனை கடற்படைப் பிரிவினரால் கீரமுண்டலம் கடற்கரை மற்றும் கடற்பகுதிகளில் தேடுதல் நடவடிக்கை முன்னெடுக்கப்பட்டது.

இந்த தேடுதல் வேட்டையில், கடற்கரையில் சுமார் 654 கிலோ எடையுள்ள 21 சாக்கு கெண்டு இலைகள் (ஈரமான எடை) ஏற்றிச் செல்லப்பட்டிருந்த சந்தேகத்திற்கிடமான படகு ஒன்று சோதனைக்கு உட்பட்டது.

இதனடிப்படையில், பீடி இலைகள் அடங்கிய டிங்கி படகு கடற்படையினரால் கைது செய்யப்பட்டது.மேலும், பீடி இலைகளை எடுத்துச் செல்வதற்காக கடற்கரையில் தயார் நிலையில் வைக்கப்பட்டிருந்ததாக சந்தேகிக்கப்படும் இரண்டு டிராக்டர்களையும் கடற்படை பறிமுதல் செய்தது.

மற்றுமொரு நடவடிக்கையாக  SLNS விஜயா கடற்படைக் கப்பலை அனுப்பி கீரமுண்டலம் கடற்பகுதியில் மேற்கொண்ட மற்றொரு நடவடிக்கையில், 18 சாக்குகளில் சுமார் 635 கிலோ (ஈரமான எடை) கெண்டு இலைகளுடன் இரண்டு பாரம்பரிய படகுகள் தடுத்து நிறுத்தப்பட்டன.

இந்த  சம்பவத்துடன் தொடர்புடைய சந்தேக நபரை கைது செய்வதற்கும் வழிவகுத்தது.

இந்த நடவடிக்கையில் கைது செய்யப்பட்ட சந்தேக நபர்கள் 33 முதல் 43 வயதுக்குட்பட்ட கல்பிட்டி மற்றும் மண்டல்குடா பிரதேசங்களில் வசிப்பவர்கள் என அடையாளம் காணப்பட்டுள்ளனர்.

சந்தேக நபர்களான 02 பேர், கெண்டு இலைகள், டிங்கி, 02 பாரம்பரிய படகுகள் மற்றும் 02 உழவு இயந்திரங்கள், வடமேல் மாகாண கலால் விசேட பிரிவினரிடம் மேலதிக சட்ட நடவடிக்கைகளுக்காக ஒப்படைக்கப்படவுள்ளன.