ரஷ்யா-உக்ரைன் போர் தொடர்ந்தும் நீடித்து வருகின்ற நிலையில் உக்ரைன் பிரதமர் டெனிஸ் ஷிம்ஹால் திடீரென தனது பதவியிலிருந்து விலகியுள்ளார்.
இந்தநிலையில், அவர் தனது பதவி விலகல் கடிதத்தை உக்ரைன் ஜனாதிபதி ஜெலன்ஸ்கியிடம் வழங்கியுள்ளார்.
இதனையடுத்து, அவரது பதவி விலகலை ஏற்ற ஜனாதிபதி புதிய பிரதமராக யூலியா ஸ்வைரிடென்கோவின் பெயரை பரிந்துரை செய்துள்ளார்.
ரஷ்யா-உக்ரைன் இடையிலான போர் 3 ஆண்டுகளைக் கடந்து நடைபெற்று வருகிறது. இந்தப் போரில் பல இலட்சம் பேர் உயிரிழந்துள்ளனர்.
இந்தப் போரை முடிவுக்கு கொண்டு வர இந்தியா, அமெரிக்கா உள்ளிட்ட நாடுகள் முயற்சித்து வருகின்றன.
அமைதி பேச்சுவார்த்தைக்கான ஏற்பாடுகள் நடந்து வந்தாலும், இருநாடுகளும் போரை நிறுத்தாமல் தொடர்ந்து தாக்கி வருகின்றமை குறிப்பிடத்தக்கது.