இலங்கையர் உட்பட மூன்று நன்கொடையாளர்கள் திருமலை திருப்பதி தேவஸ்தானத்திற்கு (TTD) 2.45 கோடி இந்திய ரூபாவை நன்கொடையாக வழங்கியுள்ளனர்.
சென்னையைச் சேர்ந்த ஜினேஷ்வர் இன்ஃப்ரா வென்ச்சர்ஸ் மற்றும் இலங்கையைச் சேர்ந்தவர் தலா ஒரு கோடி ரூபாவை (INR 10 மில்லியன்) SV அன்னபிரசாதம் அறக்கட்டளைக்கு நன்கொடை அளித்தனர்.
அதே நேரத்தில் நொய்டாவைச் சேர்ந்த பசிபிக் BPO (பிரைவேட்) லிமிடெட் வியாழக்கிழமை எஸ்.வி. பிரணதான அறக்கட்டளைக்கு 4.5 மில்லியன் இந்திய ரூபாயை நன்கொடையாக வழங்கியதாகயுள்ளதாக தெரிவிக்கப்பட்டுள்ளது.
முன்னாள் முதலமைச்சர் என்.டி.ராமராவ் 1985 ஆம் ஆண்டு 2,000 யாத்ரீகர்களுக்கு ஒரு நாளைக்கு இலவசமாக உணவு வழங்குவதற்காக வெங்கடேஸ்வர நித்ய அன்னதான அறக்கட்டளை திட்டத்தைத் தொடங்கினார்.
பின்னர், இது 1994 ஆம் ஆண்டு ஸ்ரீ வெங்கடேஸ்வர நித்ய அன்னதான அறக்கட்டளை என்ற பெயரில் ஒரு சுயாதீன அறக்கட்டளையாகவும், பின்னர் 2014 ஆம் ஆண்டு ஸ்ரீ வெங்கடேஸ்வர அன்னபிரசாத அறக்கட்டளையாகவும் மாற்றப்பட்டது.
உலகம் முழுவதிலுமிருந்து வரும் நன்கொடைகளால் நடத்தப்படும் இந்த அறக்கட்டளை, தேசியமயமாக்கப்பட்ட வங்கிகளில் நிதியை வைப்புச் செய்து, அவர்களிடமிருந்து கிடைக்கும் வட்டி மூலம் பக்தர்களுக்கு உணவு வழங்குவதற்கான செலவுகளை ஈடுகட்டுகிறது.
இது ஆயிரக்கணக்கான பக்தர்களுக்கு பானங்கள் மற்றும் ஒரு நாளைக்கு மூன்று வேளை உணவுகளை வழங்குகிறது.
திருமலை திருப்பதி தேவஸ்தானத்தின் சமையலறைகளில் தினமும் சுமார் 14 தொன் அரிசி சமைக்கப்படுவதாகவும் 10,000 லிட்டர் பால் கொள்வனவு செய்யப்படுவதாகவும் தெரிவிக்கப்பட்டுளு்ளது.
நன்கொடையாக வரும் 7.5 தொன் வரை காய்கறிகள், அன்னபிரசாதம் உணவகங்களில் தினமும் பயன்படுத்தப்படுவதாக தெரிவிக்கப்பட்டுள்ளது.
புத்தாண்டு, வைகுண்ட ஏகாதசி, ரதசப்தமி மற்றும் கருட சேவை போன்ற புனித நாட்களில், 200,000 க்கும் மேற்பட்ட யாத்ரீகர்களுக்கு பானங்கள் மற்றும் உணவு வழங்கப்படுகிறது.
SV பிராணதான அறக்கட்டளை இதயம், மூளை, புற்றுநோய் மற்றும் பிற தொடர்புடைய உயிருக்கு ஆபத்தான நோய்களால் பாதிக்கப்பட்ட ஏழை நோயாளிகளுக்கு இலவச மருத்துவ சிகிச்சையை வழங்குகிறது. இந்த அறக்கட்டளை நாள்பட்ட சிறுநீரக செயலிழப்பு, ஹீமோபிலியா, தலசீமியா மற்றும் பிற நோய்களுக்கான சிகிச்சைக்கான ஆராய்ச்சியையும் ஊக்குவிக்கிறது.
நன்கொடையாளர்கள் கோரிக்கை வரைவுகளை ரங்கநாயக்குலா மண்டபத்தில் TTD அறக்கட்டளை வாரியத் தலைவர் BR நாயுடு மற்றும் கூடுதல் நிர்வாக அதிகாரி வெங்கையா சவுத்ரி ஆகியோரிடம் வழங்கினர். (DH)