2026 ஆம் ஆண்டில் நிகழும் முதல் சந்திர கிரகணம் 2026 மார்ச் 3 அன்று நிகழவுள்ளது. இந்த கிரகணம் சிம்ம ராசி (பூரம் நட்சத்திரம்) பகுதியில் தோன்றும் என ஜோதிடக் குறிப்புகள் தெரிவிக்கின்றன.
பொதுவாக ஜோதிட ரீதியில் அசுப நிகழ்வாக கருதப்படுகிறது. மேஷம் முதல் மீனம் வரை உள்ள அனைத்து ராசிகளிலும் இந்த கிரகணத்தின் தாக்கம் உணரப்படலாம் என வேத ஜோதிட மரபு குறிப்பிடுகிறது.
இந்த சந்திர கிரகணத்தின் தாக்கம் எந்த ராசிக்கு என்ன சவால்களை கொண்டு வருகின்றது என நாம் இங்கு பார்ப்போம்.
மேஷம்
மேஷ ராசியில் பிறந்தவர்களுக்கு இந்த சந்திர கிரகணம் தனிப்பட்ட வாழ்க்கை லட்சியங்களை அடைவதில் சிரமங்களை கொண்டு வருகிறது. குடும்ப வாழ்க்கையில் கணவன் மனைவி இடையே மனஸ்தாபங்கள் அதிகரிக்கும். பிரச்சனைகளை தீர்க்க வெளிப்படையான பேச்சு வார்த்தைகள் அவசியமாகும்.
ரிஷபம்
ரிஷப ராசி கொண்டவர்களின் காதல் வாழ்க்கை மற்றும் குடும்ப வாழ்க்கையில் வாக்குவாதங்கள் அதிகரிக்கும். முன்னர் என்றோ ஒரு நாள் செய்த தவறு, தற்போது மீண்டும் தலைதூக்கும். தொழில் வாழ்க்கையில் பொறுப்புகள் அதிகரிக்கும், சக ஊழியர்களுடன் புரிதலை கொண்டு வருவதன் அவசியம் அதிகரிக்கும்.
மிதுனம்
புதன் கிரகத்தை ஆளும் அதிபதியாகக் கொண்ட மிதுன ராசியினர் அடிப்படையில் பேச்சாற்றல் கொண்டவர்கள். இருப்பினும் இன்றைய தினம் அவர்களின் திறமைக்கு மாறாக விஷயங்கள் நடக்கலாம். தேவையற்ற தலைப்புகளில் தலையிட்டு சிக்கிக் கொள்ளும் வாய்ப்பு காணப்படுகிறது. என்று பேசும் ஒவ்வொரு வார்த்தையும், அதன் பின் விளைவு அறிந்து பேசுவது நல்லது.
கடகம்
சந்திரன் ஆட்சி செய்வதால் இன்று நிகழும் சந்திர கிரகணம் அவர்களை கடுமையாக பாதிக்கும். குறிப்பாக பண விஷயத்தில் நெருக்கடி அதிகரிக்கும். கடன் பிரச்சனைகள் உங்கள் மன அமைதியை சிதைக்கும்; குழப்ப நிலைக்கு கொண்டு செல்லும். உங்கள் உணர்வுகளுக்கு மதிப்பளியுங்கள், ஆழ்ந்து சிந்தித்து செயல்படுங்கள். திடீர் பயணங்களை தவிர்த்திடுங்கள், ஆடம்பர செலவுகளை குறைத்துக் கொள்ளுங்கள்.
சிம்மம்
சிம்ம ராசி கொண்டவர்கள் தங்கள் தொழில் வாழ்க்கை மற்றும் தனிப்பட்ட வாழ்க்கை இரண்டிலும் மாற்றங்களை காணும் ஒரு காலமாக இது இருக்கும். தொழில் வாழ்க்கையில் கூட்டாண்மையில் பிரச்சனைகள் உண்டாகக் கூடும்; அதே நேரம் மன வாழ்க்கையில் கணவன் மனைவி இடையேயான கூட்டணி வலுப்பெறும். மற்றவர்களின் உணர்வுகளை புரிந்து கொள்ள முயற்சி செய்யுங்கள், முடிந்த அளவிற்கு தன்மையாக நடந்து கொள்ளுங்கள்.
கன்னி
கன்னி ராசியில் பிறந்தவர்களுக்கு இந்த சந்திர கிரகணம் உடல் ஆரோக்கியம் சார்ந்த பிரச்சனைகளை கொண்டு வரும். இதன் தாக்கம் தினசரி வழக்கத்தை பாதிக்கும். சிறிய பிரச்சனைகள் குறித்து அதிகம் யோசிக்க வேண்டாம்; நம்பிக்கையுடன் செயல்படுங்கள் எதிர்பார்த்த வெற்றியை காணுங்கள்.
துலாம்
படைப்பாற்றல் மிக்க துலாம் ராசியினருக்கு இன்றைய தினம் தொழில் வாழ்க்கையில் சில எதிர்பாராத பிரச்சனைகள் வரலாம். காதல் வாழ்க்கையிலும் சோதனைகள் உண்டாக்கலாம். குழந்தைகளின் ஆரோக்கியம் சார்ந்த விஷயங்களில் கூடுதல் கவனம் தேவை. உணர்ச்சிப்பூர்வமான முடிவுகள் கூடாது; பதற்றமான சூழ்நிலையை தவிர்ப்பது நல்லது.
விருச்சிகம்
விருச்சிக ராசியில் பிறந்தவர்களுக்கு குடும்ப வாழ்க்கை மற்றும் சொத்து விவகாரங்கள் தொடர்பான அலைச்சல் வந்து செல்லும். உங்கள் வாழ்க்கைத் துணை இடம் நீங்கள் மறைத்த உண்மை பல நாட்களுக்கு பின்னர் இன்று வெளிவர கூடும். இந்த உண்மை உங்கள் குடும்ப வாழ்க்கையில் சலசலப்பை உண்டாக்கலாம். தொழில் முறை பயணமாக வெளியூர் செல்லும் வாய்ப்புகள் காணப்படுகிறது. பயணங்கள் பாதுகாப்பாக இருப்பதை உறுதி செய்யுங்கள்.
தனுசு
தனுசு ராசி கொண்டவர்களுக்கு கல்வி சார்ந்த விஷயங்களை சவால்கள் எழலாம். குறிப்பாக பள்ளி கல்லூரி செல்லும் மாணவர்கள் தங்கள் தேர்வுகளில் சிறப்பாக செயல்பட முடியாது தவிர்க்கலாம். திருமணம் முடித்தவர்கள் தங்கள் அண்டை வீட்டாருடன் வாக்குவாதங்களில் ஈடுபடலாம். உடன் பிறந்தவர்கள் உடன் காணப்பட்ட மனஸ்தாபங்கள் அதிகரிக்கும். உங்கள் வாழ்க்கையில் அதிசயங்கள் குறித்த கவலைகள் அதிகரிக்கும்.
மகரம்
மகர ராசியை கொண்டவர்கள் இன்று எதிர்பாராத செலவுகளை சந்திக்கலாம். குறிப்பாக மருத்துவ செலவுகளை சந்திக்கும் வாய்ப்பு காணப்படுகிறது. பண விஷயத்தில் அவரச முடிவுகள் கூடாது; ஆடம்பர செலவுகளும் கூடாது. பணியிடத்தில் பொறுமை காப்பது அவசியம், தன்மையாக நடந்துக்கொள்வதும் அவசியம்.
கும்பம்
கும்ப ராசியில் பிறந்தவர்கள் தங்கள் உடல் ஆரோக்கியத்தில் கூடுதல் கவனம் எடுத்துக்கொள்வது அவசியம். கடுமையான முடிவுகளை தவிர்ப்பது நல்லது, மன அழுத்தம் பாதிக்கும் விஷயங்களில் இருந்து விலகி இருப்பது நல்லது. ஆன்மீகத்தில் நேரம் செலவிடுங்கள், தியானம் - யோக போன்றவை உங்களுக்கு உதவி செய்யும்.
மீனம்
மீன ராசி கொண்டவர்களின் உணர்வுகளை தூண்டும் ஒரு கிரகணமாக இது பார்க்கப்படுகிறது. குழந்தை பருவ அச்சம் மீண்டும் தலைதூக்கும், ஆழ் மனதில் புதைந்திருந்த குற்ற உணர்வு மீண்டும் வரும். தொழில் வாழ்க்கையில் காணப்பட்ட பிரச்சனைகளை தீர்க்க வேண்டிய அவசியம் உண்டாகும், உறவுகளுக்கு இடையே காணப்பட்ட தேவையற்ற குழப்பங்களுக்கு தீர்வு காண வேண்டிய கட்டாயம் உண்டாகும்.