உலக வரலாற்றில் முதல் முதலாக சமூக ஊடகங்களுக்கு தடையை அறிவித்த பிரபல நாடு

 

அவுஸ்திரேலியா உலக வரலாற்றில் முதல் முறையாக, 16 வயதிற்குட்பட்ட சிறுவர்களின் சமூக ஊடகங்களை முற்றிலும் தடை செய்யும் சட்டத்தை அமுல்படுத்தியுள்ளது. பதின்ம வயது சிறுவர்களின் மனநலம், பாதுகாப்பு மற்றும் வளர்ச்சியைப் பாதுகாக்கும் நோக்கில் இந்த தீர்க்கமான நடவடிக்கை எடுக்கப்பட்டுள்ளது.

இந்த தடையின் கீழ், ஃபேஸ்புக், இன்ஸ்டாகிராம், த்ரெட்ஸ், டிக்டாக், ஸ்னாப்சாட், ட்விட்ச், கிக், எக்ஸ் (முன்னதாக ட்விட்டர்), யூடியூப் மற்றும் ரெட்டிட் உள்ளிட்ட முக்கிய சமூக ஊடக தளங்கள் அடங்கும்.

அமுல்பாட்டிற்கு வந்த உடனேயே, 1.5 மில்லியனுக்கும் அதிகமான கணக்குகள் அந்தந்த தளங்களிலிருந்து நீக்கப்பட்டுள்ளன. மேலும், 16 வயதிற்கு கீழ் உள்ள பயனர்கள் புதிய கணக்குகளை உருவாக்க முடியாத வகையில் தொழில்நுட்ப அடிப்படையிலான கட்டுப்பாடுகள் நடைமுறைப்படுத்தப்பட்டுள்ளன.

அவுஸ்திரேலிய பிரதமர் அந்தோணி அல்பானீஸ் ஞாயிற்றுக்கிழமை இந்த தடை குறித்து உரையாற்றும்போது, “இது நமது நாடு எதிர்கொண்ட மிகப்பெரிய சமூகக் கலாசார மாற்றங்களில் ஒன்றாக இருக்கும். வருங்கால ஆண்டுகளில் இது தேசிய பெருமைக்கு ஆதாரமாக இருக்கும்” என்றார்.

மேலும், “இந்த நடவடிக்கை அவுஸ்திரேலியாவை உலகளவில் முன்னோடியாக நிறுத்துகிறது. இது பெற்றோர்களின் குரலால் ஊக்கம் பெற்ற ஒரு சமூக இயக்கம்” என்றும் அவர் வலியுறுத்தினார்.

கனடாவில் நிரந்தர குடியுரிமையை எளிதாக்கும் புதிய நடவடிக்கைகள்: 2026 தொடக்கத்தில் விரைவு நுழைவுப் பிரிவு அறிமுகம்

இந்த தடை சட்டம், சமூக ஊடகங்களின் எதிர்மறையான தாக்கங்களிலிருந்து சிறுவர்களை பாதுகாக்கும் நோக்கில், பல ஆண்டுகளாக நடைபெற்ற விவாதங்களுக்குப் பிறகு அமுல்படுத்தப்பட்டுள்ளது. இது உலகம் முழுவதும் பிற நாடுகளுக்கு ஒரு முன்மாதிரியாக அமையக்கூடும் என எதிர்பார்க்கப்படுகிறது.