எட்டாம் வகுப்பு மாணவி.. 12 பேர் மாறி மாறி.. கர்ப்பத்திற்கு காரணம் தெரிந்து அதிர்ந்த போலீஸ்..

 

சென்னை பல்லாவரம் அருகிலுள்ள பொடிச்சலூர் என்ற சிறிய கிராமத்தில் வசித்து வரும் 13 வயது சிறுமி ஒருவரின் வாழ்க்கை, அப்பாவி மனதின் நம்பிக்கையால் தொடங்கிய ஒரு கொடூர சம்பவத்தால் தலைகீழாக மாறியுள்ளது.

பெற்றோர்கள் வேலைக்குச் சென்ற நேரத்தில் வீட்டில் தனியாக இருந்த சிறுமியை, அக்கம்பக்கத்து சிறுவன் ஒருவன் ஆசை வார்த்தைகளால் ஏமாற்றி, பாலியல் வன்கொடுமை செய்தது மட்டுமின்றி, தனது நண்பர்களையும் இழுத்து விட்டு கூட்டு அநீதி இழைத்த சம்பவம், நாட்டையே அதிர்ச்சியில் உறைய வைத்துள்ளது.

இந்த கொடூரத்தின் பின்னணியில் 12 பேர் கைது செய்யப்பட்டுள்ளனர், ஆனால் குற்றவாளிகளின் அலட்சியமான நடத்தை, சமூகத்தில் பெரும் கொந்தளிப்பை ஏற்படுத்தியுள்ளது. இந்த சம்பவம், சிறுமியின் அப்பாவி உள்ளத்தையும், சமூகத்தின் பாதுகாப்பின்மையையும் வெளிச்சம் போட்டுக் காட்டுகிறது.

பெற்றோர்கள் இருவரும் தினசரி வேலைக்குச் சென்று விட்டால், வீட்டில் தனியாக இருக்கும் சிறுமியை கண்காணிக்க யாரும் இல்லை. இதைப் பயன்படுத்திக் கொண்ட அதே பகுதியைச் சேர்ந்த சிறுவன் ஒருவன், தண்ணீர் கேன் போடுவது போல வீட்டிற்கு அடிக்கடி வரத் தொடங்கினான்.

மெதுவாக சிறுமியிடம் நைசாகப் பேசி, நட்பை வளர்த்தான். ஒரு கட்டத்தில், "உன்னை காதலிக்கிறேன்" என்று ஆசை வார்த்தைகளால் ஏமாற்றினான். 13 வயது என்ற அப்பாவி வயதில், உண்மையான அன்பு என்று நம்பிய சிறுமி, அவனுடன் பழகத் தொடங்கினார். ஆனால், இந்த 'காதல்' என்பது வெறும் பொய். வீட்டில் ஆள் இல்லாத நேரங்களைப் பயன்படுத்தி, அந்த சிறுவன் சிறுமியை பாலியல் வன்கொடுமைக்கு உட்படுத்தத் தொடங்கினான்.

அதோடு நிற்காமல், சிறுமியை பிளாக்மெயில் செய்து, "என் நண்பர்களுடனும் இரு" என்று கொடூரமாக டார்ச்சர் செய்தான். இதன் விளைவாக, அவனது நண்பர்களும் சிறுமியிடம் பாலியல் துன்புறுத்தலில் ஈடுபட ஆரம்பித்தனர். ஒன்று, இரண்டு என்று தொடங்கிய இந்த கொடூரம், விரைவில் 12க்கும் மேற்பட்ட சிறுவர்கள் மற்றும் இளைஞர்களை உள்ளடக்கிய கூட்டு வன்முறையாக மாறியது.

சிறுமியின் உடல் மட்டுமின்றி, மனமும் கடுமையாக பாதிக்கப்பட்டது. தினசரி துன்புறுத்தலால் அவரது உடல்நலம் மோசமடைந்தது; மனதளவில் அவர் தனக்கு என்ன நேர்ந்தது என்பதுகூட தெரியாத அளவுக்கு உடைந்து போனார். 

ஒரு கட்டத்தில், தாங்க முடியாத வலியால் சிறுமி தனது தாயாரிடம் உண்மையைச் சொல்லி அழுதார்.

அதிர்ச்சி அடைந்த தாயார், உடனடியாக சிறுமியை செங்கல்பட்டு அரசு மருத்துவமனைக்கு அழைத்துச் சென்றார். அங்கு நடத்தப்பட்ட பரிசோதனையில், சிறுமி கர்ப்பமாக இருப்பது தெரிய வந்தது. இந்த செய்தி, குடும்பத்தையே நிலைகுலைய வைத்தது.

அப்பா, அம்மா இருவரும் உடைந்து போனார்கள்; அவர்களின் கனவுகள், எதிர்காலம் எல்லாம் இருளில் மூழ்கியது. "எங்கள் பிள்ளைக்கு இப்படி நேர்ந்தது எப்படி?" என்று அழுதபடி, அவர்கள் உடனடியாக சங்கர் நகரில் உள்ள பல்லாவரம் அனைத்து மகளிர் காவல் நிலையத்தில் புகார் அளித்தனர். புகாரின் அடிப்படையில், போலீசார் விரைந்து செயல்பட்டனர்.

விசாரணையில், சிறுமியிடம் பாலியல் அத்துமீறலில் ஈடுபட்ட 7 சிறுவர்களும், கிழக்கு தாம்பரம் பகுதியைச் சேர்ந்த 19 வயது நந்தகுமார், 19 வயது சஞ்சய், 18 வயது எஸ். சஞ்சய், முடிச்சூரைச் சேர்ந்த 22 வயது சூர்யா, ஈஷா பல்லாவரத்தைச் சேர்ந்த 22 வயது நிக்சன் உள்ளிட்ட 12 பேரும் கைது செய்யப்பட்டனர்.

அவர்கள் மீது POCSO (பாலியல் குற்றங்களில் இருந்து குழந்தைகளைப் பாதுகாக்கும் சட்டம்) கீழ் வழக்கு பதிவு செய்யப்பட்டது. தாம்பரம் நீதிமன்றத்தில் ஆஜர்ப்படுத்தப்பட்ட பிறகு, இளைஞர்கள் சென்னை புழல் சிறையிலும், சிறுவர்கள் செங்கல்பட்டு கூர்நோக்கு இல்லத்திற்கும் அனுப்பி வைக்கப்பட்டனர்.

ஆனால், இந்த கைது நடவடிக்கையின்போது நிகழ்ந்த ஒரு சம்பவம், பொதுமக்களை மேலும் கொதிப்படைய வைத்தது. போலீசார் குற்றவாளிகளை மருத்துவ பரிசோதனைக்கு அழைத்துச் செல்லும்போது, அவர்கள் ஏதோ 'சாதனை' செய்து விட்டது போல சிரித்தபடி சென்றனர். இது, அருகில் இருந்தவர்களை அதிர்ச்சியில் உறைய வைத்தது.

"இவர்களுக்கு தண்டனையின் தீவிரம் தெரியவில்லையா?" என்று கேள்வி எழுந்தது. விமர்சகர்கள் கூறுகையில், "கைது செய்யும்போது போலீசார் கடுமையாக நடந்து கொண்டிருந்தால், இவர்கள் இந்த அளவுக்கு அலட்சியமாக இருந்திருக்க மாட்டார்கள்.

23ஆம் புலிக்கேசி படத்தில் வரும் வடிவேலு போல, 'வாடா நிக்சா' என்று கேஷுவலாக அழைத்துச் சென்றதால் தான், குற்றத்தின் சீரியஸ்னஸ் அவர்களுக்குப் புரியவில்லை" என்று கூறுகின்றனர். இந்த சம்பவம், சமூகத்தில் பெரும் அலையை ஏற்படுத்தியுள்ளது.

பெண்கள் உரிமை அமைப்புகள், சமூக செயற்பாட்டாளர்கள் எல்லோரும் ஒரே குரலில் கோரிக்கை விடுத்துள்ளனர்: 

"சிறுமிகள் மற்றும் பெண்களுக்கு எதிரான பாலியல் வன்கொடுமையில் ஈடுபடும் குற்றவாளிகள் மீது, காவல்துறை மற்றும் நீதிமன்றம் பாரபட்சம் இன்றி கடுமையான நடவடிக்கை எடுக்க வேண்டும்.

இதுபோன்ற கொடூரங்கள் தடுக்கப்பட வேண்டும்; குழந்தைகளின் பாதுகாப்பு உறுதி செய்யப்பட வேண்டும்." இந்த சம்பவம், பெற்றோர்களுக்கு ஒரு எச்சரிக்கை மணியாகவும், சமூகத்திற்கு ஒரு விழிப்புணர்வாகவும் அமைந்துள்ளது.

சிறுமியின் எதிர்காலம் என்னவாகும்? குற்றவாளிகளுக்கு என்ன தண்டனை? இந்த கேள்விகள், நாட்டையே உலுக்கி வருகின்றன. போலீசார் தொடர்ந்து விசாரணை நடத்தி வருகின்றனர்.